Сябры аргкамітэту па стварэнні партыі "Беларуская хрысціянская дэмакратыя" і Руху "За свабоду" падалі ў райвыканкам заяўку на правядзенне пікета па праблеме аварыйнага маста праз Днепр які злучае першы мікрараён Ільнокамбінат. У выпадку, калі заяўка будзе падтрымана, то арганізатары правядуць пікет з удзелам 10 чалавек 30 кастрычніка.
Праўда, надзеі на тое што пікет будзе дазволены амаль што няма - за некалькі апошніх гадоў аніводны пікет у нашым горадзе і раёне не быў дазволены мясцовымі ўладамі.
Нагадаем, што мост знаходзіцца ў аварыйным стане і працягвае разбурацца пад уздзеяннем аўтатранспарту. Сябры БХД неаднаразова збіралі подпісы грамадзянаў і звярталіся ў розныя дзяржаўныя ўстановы з просьбай неадкладна распачаць рамонт маста, але праблема так і не вырашаная. У апошнім лісце з выканкаму па дадзенай праблеме гаварылася, што на дадзены момант знойдзена толькі 5% ад патрабуемай сумы, за гэтыя сродкі пачалася падрыхтоўка да рамонту - канкрэтна ўкладка бардзюра па вуліцы Шклоўскай.
