Традыцыйна напярэдадні лета выканкамы вызначаюць месцы ў якіх будзе дазволена купанне. Не тое, каб іншыя месцы жорстка забароненыя, але ж вызначыныя павінны быць абсталяваныя і больш бяспечныя для летняга адпачынку.
У Аршанскім раёне агулам вызначана 6 месцаў дазволеных для купання: гарадскі пляж у канцы вуліцы Караткевіча, пляж на Дняпры ў Мікрараёне, адзіны прыватны пляж — на возеры «Шчацінкаўскім» (Кар’ер), а таксама на кар’еры ў Селішчы, на возеры Арэхаўскае побач з Арэхаўскам і возера Святое не далёка ад Малага Бабіна.
У Дубровенскім раёне вызначана два месца купання: пляж на вуліцы Праваберагавой і пляж на «Бярозках» — абодва месцы ў самім райцэнтры.
У Лёзненскім раёне: на возеры Дабрамыслянскае ў зоне адпачынку «Лясная пярліна», «Лясныя кар’еры» і на возеры Буёўскае.
У Сенненскім раёне адкрытыя будуць гарадскі пляж на возеры Сенненскім і возера Серакаротня каля вёскі Рабцава.
У Талачынскім раёне купацца можна на рацэ Рагачоўка ў райцэнтры і на рацэ Сакалянка каля Коханава.
