У міліцыю звярнулася 88-гадовая магіляўчанка, якая стала ахвярай аферыстаў. Яна паверыла ў гісторыю пра ДТЗ, віноўніцай якога нібыта аказалася яе ўнучка. За непрыцягненне сваячкі да крымінальнай адказнасці яна перадала кур’еру, які прыйшоў да яе, 15 тысяч рублёў.
Сышчыкі ўстанавілі і затрымалі 35-гадовую жыхарку Аршанскага раёна. Фігурантка прызналася, што знайшла аб’яву аб крымінальным заробку ў інтэрнэце і паспела выканаць толькі адно заданне.
Следчыя распачалі крымінальную справу за махлярства, здзейсненае ў буйным памеры. Праводзяцца аператыўна-вышуковыя мерапрыемствы па ўстанаўленні ўсіх удзельнікаў злачыннай схемы.
