Гаворка ідзе пра Марыну Пруднікаву, маладую маці двух дзяцей. Каля трох тыдняў таму ў сваім Цік-току яна апублікавала ролік дзе распавяла пра праблему баўлення вольнага часу ў Оршы. У прыватнасці гаварыла, што ў горадзе няма куды пайсці з дзіцёнкам - няма адпаведных забаўляльных цэнтраў, або іх якасць так сабе.
А ўчора 13 лістапада імя Марыны Пруднікавай з'явілася ў раскладзе суда Аршанскага раёна. Судзілі маладую маці па модных зараз "экстрэмісцкіх" артыкулах. Не можам сцвярджаць адназначна, але па тэндэнцыях апошняга часу, відавочна, што ейны блог і суд звязаныя. Падобна, што замест вырашэння праблемаў, улады вырашылі пакараць таго хто расказвае пра праблемы.
Пакуль нам не вядома, што суддзя Інна Кохава прысудзіла Марыне.
