Пад час стандартнага дзяжурства мясцовыя ДАІшнікі вырашылі спыніць легкавы аўтамабіль Фіат. Але чамусці 35-гадовы кіроўца спыняцца не захацеў, што выклікала некаторыя падазрэнні і аўтаінспектары вырашылі прымусова спыніць аўто.
Пасля кароткай пагоні мужчына вырашыў, што ўцякаць на аўтамабілі не так надзейна як пешкам. Наіўны. Тым больш, што нагамі мужчына варушыў горш чым стырном Фіата. Хаця інспектары пішуць, што кіроўца паспрабаваў збегчы, але ягоныя няўпэўненыя рухі, якія паказаныя на міліцэйскім відэа, больш падобныя на марудную хадзьбу. Не дзіўна, што міліцыянты змаглі яго затрымаць.
Міліцэйскія падазрэнні спраўдзіліся - мужчына быў моцна п'яны. За два праміле алкаголю яму выпісалі тры пратаколы і арыштавалі аўтамабіль.
