Добраахвотны пашуковы атрад абвесціў вышук мінчанкі Бажок Мілены Валянцінаўны 1989 года нараджэння. Мілена пражывае ў Мінску, апошні раз яе бачылі ў Пячах 15 жніўня. На чыгуначным прыпынку Печы каля 20-30 яна села на электрычку да Оршы і пасля гэтага яе месцазнаходжання не вядома. Не выключана, што зараз яна знаходзіцца дзесці ў нашым горадзе. Раніцай 19-га чысла на некаторы час яе мабільны тэлефон быў уключаны, але на званкі яна не адказвала. Днём 19-га тэлефон зноў аказаўся выключаны.
Дзяўчына мае дыягназ ДЦП, сутуліцца на хаду. Прыкметы: рост 168 сантыметраў, нармальны целасклад, вочы блакітныя, валасы цёмныя. Была апранута: зялёныя шорты, майка чорная з белым, гумавыя шлёпанцы.
Людзей якія валодаюць якой-небудзь інфармацыяй, просяць паведаміць па тэлефонах: +375-33-6666856, +375-25-6666856, +375-33-6666033, або 102.
