На днях на партале Tut.by выйшаў вялікі артыкул прысвечаны караблям, якія насілі імёны беларускіх гарадоў. Сярод гарадоў-краблёў быў цэлы клас караблёў пад назвай Беларусь, некалькі Мінскаў, Пінск, Полацк і, нават, Астравец з Добрушам.
Паплыла і Орша. Менавіта ў гонар нашага гораду быў названы сухагруз, які пабудавалі на японскай верфі ў Осаке яшчэ ў 1963 годзе. Ягоны праэкт распрацоўвала фірма Hitachi Zosen на замову СССР. Такога ж тыпу караблёў было ў флоце СССР 8 і ўсе яны служылі ў марскім параходстве СССР Дальняга Ўсходу (але Оршай быў названы толькі адзін з іх). Орша была спісана ў 1993 годзе - праслужыўшы 30 год - і ўтылізавана ў Бангладэш.
