Нядаўна газета Наша Ніва апублікавала вялікі матэр'ял[a href="http://orsha.eu/rus/%D0%BD%D0%BE%D0%B2%D0%BE%D1%81%D1%82%D0%B8/4105/"] у якім распавядалася, як дзеці з Талачынскага раёна з дапамогай мясцовай казацкай суполкі - якія раней засвяцілася ў Оршы - праз праваслаўную царкву ўдзельнічалі ў ваенізаваных лагерах на тэрыторыі Расіі[/a]. Там дзеці праходзілі ваенную падрыхтоўку з інструктарамі - баевіка ДНР і ЛНР, некаторыя з якіх з'яўляюцца сябрамі неанацысцкіх арганізацыяў і публікавала на сваіх старонках у сацыяльных сетках садысцкія фотаздымкі з забітымі людзьмі і жывёламі.
Справа атрымала далейшы працяг, у панядзелак 16-га мая адзін з лідараў кампаніі "Гавары праўду" Андрэй Дзмітрыеў апублікаваў на сваёй старонцы ў фэйсбуку паведамленне пра тое што кампанія накіравала зварот у пракуратуру з просьбай праверыць законнасць дзеянняў арганізацый, якія накіроўваюць дзяцей у лагеры дзе іх вучаць забіваць людзей і забараніць уезд на тэрыторыю Беларусі замежным грамадзянам, якія маюць дачыненне да правядзення падобных лагераў.
Наша Ніва дала выказацца і прадстаўнікам царквы, якая да справы мае непасрэднае дачыненне. Адказаў газеце протаіерэй Аляксандар Кавалёў, які кіруе аддзелам па справах моладзі Віцебскай епархіі. Традыцыйна, царква не прызнала сваіх памылак і абвінаваціла журналістаў у тым, што тыя стварылі "фэйк з мэтай разладу" і дадаў "Мы ездзілі ў Расію, ездзім і будзем ездзіць".
