Пра гэта ўчора - 25 мая - паведаміў журналістам міністар унутраных спраў Ігар Шуневіч. Нагадаем, што ў сярэдзіне мая сайт газеты "Наша Ніва" апублікаваў уласнае раследванне паводле якога казацкая арганізацыя з Талачынскага раёну, якая заснавана і працуе пры праваслаўнай царкве адпраўляла дзяцей з Талачынскага раёну ў ваенізаваныя лагеры на тэрыторыі Расіі, дзе інструктарамі выступалі баевікі ДНР і ЛНР, якія не рэдка пазіравалі са сцягамі са свастыкамі, з трупамі на якіх выразалі свастыкі і г.д. Адзін з гэтых інструктараў знакаміты тым, што некалькі год таму ў Санкт-Пецярбургу забіваў жывёлаў і фатаграфаваўся з іх адрэзанамі галовамі, каб заклікаць людзей забіваць бадзяжных жывёлаў і людзей. У саміх лагерах дзяцей вучылі як найбольш эфектыўна забіваць людзей. У адпраўцы дзяцей журналісты абвінавацілі кіраўнікоў талачынскіх казачых арганізацыяў - сям'ю Гаўрыліных, якая і раней імкнулася працаваць з дзецьмі, прынамсі, за іх візіт у аршанскую СШ №19 адказным асобам давялося пісьмова апраўдвацца. Другая арганізацыя, якая па меркаванні журналістаў датычнага да "патрыятычнага" выхавання талачынскай моладзі - праваслаўная царква, але праваслаўныя святары хутка абверглді сваю датычнасць да гэтай казацкай арганізацыі і асабіста да Гаўрыліных, хаця выглядала гэта даволі сумніўным.
Пакуль імністар унутраных спраў заявіў, што пра вынікі праверкі гаварыць рана.
