Беларусь, Эканоміка

З 1 лістапада падаражэюць цыгарэты

29.10.2016 18:18

2621 прагляд, 1 каментар

Наступленне лістапада “парадуе” курыльшчыкаў павышэннем коштаў на тытунь.

Некаторыя віды цыгарэт падаражэюць ужо з 1 лістапада. Падаражэнне ў першую чаргу закране прадукцыю гарадзенскай тытунёвай фабрыкі “Нёман”. Некаторыя віды цыгарэт “Pall Mall” стануць даражэй на 4 капейкі, на 5 капеек падаражэюць пэўныя віды маркі “Kent”. Стане даражэй і прадукцыя “Тытунь-Інвеста”. Напрыклад, некаторыя віды цыгарэт “LD” і “Monte Carlo” таксама вырастуць у цане на 5 капеек. На такую ж суму стануць даражэй некаторыя віды цыгарэт “Camel” і “Winston”, але “Winston Compact Blue” падаражэе на 10 капеек, а на “Camel Compact Filters” і “Camel Compact Blue” кошт вырасце ўсяго на 1 капейку. На 5 капеек падаражэюць некаторыя віды цыгарэт “Sobranie”. Вырастуць кошты і на імпартныя цыгарэты, у сярэднім на 5 капеек.