Верасень у Оршы прайшоў адносна спакойна. Найбольш яскравы падзеяў было звязана са сферай культуры. Нарэшце, ў Оршы прайшоў фестываль фарбаў "Холі". Жыццярадаснае свята спрабавалі правесці ў горадзе ўжо на працягу некалькіх год, але розныя заяўнікі патраплялі на пастаянныя адмовы і забароны. У 2016-ым, нарэшце, новае яскравае мерапрыемства ў наш горад прыйшло. Гурт "Лепшы квас" правёў свой першы цалкам электрычны сольны канцэрт у Мінску, а гурт "Тарас на Парнасе" перамог у хіт-парадзе "Радыё Сталіца", іх песня "Кола" была названая песняй жніўня. А, вось, мінскія рок-госці ў Оршу не даехалі і без таго не частыя канцэрты ў нашым горадзе атрымалі яшчэ адну адмену -0 на гэты раз быў адменены канцэрт гурта "Без білета".
Увогуле верасень праходзіў вельмі спакойна, з падзеяў незвычайных - аварыя на трасе Орша-Віцебск з удзелам... самалёта. І эвакуацыя школьнікаў з 14-ай школы з-за маленькага пажару. Нават святкаванне чарговай гадавіны "Бітвы пад Оршай" хаця і прайшло па краіне з вельмі шырокай геаграфіяй, але ў Оршы быў чыста сімвалічны. З дасягненняў - на Крапівенскім полі ўпершыню за апошні я 9 год у ноч на 8 верасня, нарэшце, не перашкодзілі пераначаваць людзям. Магчыма, гэта сігнал, што зможа аднавіцца і паўнавартасны фестываль.
Ну, і, каншене, у верасні скончыліся выбары ў парламент. Нечаканасцяў не былою Выбары зноў не прыўнаныя дэмакратычнымі арганізацыямі, у парламент прайшлі стаўленнікі ўлады, якія, традыцыйна, потым на працягу 4 год выглядаюць (як і падчас выбарчай кампаніі) вельмі шэранька. Не абыйшлося і без дробных канфліктаў. Назіральніка - ён жа незарэгістраваны кандыдат у дэпутаты ад Партыі БНФ - Віталь Паўлаў быў затрыманы на наступны дзень па заяве кіраўніцы яго ўчастковай камісіі - яна паведіміла, што, быццам бы, Паўлаў яго абразіў. Таксама з падліку галасоў быў выдалены кандыдат ад аргкамітэту па стварэнні партыі БХД Яўген Анішчанка. Праўда, на гэты раз выбары па Аршаншчыне скончыліся, хаця і без сур'ёзных рэппрэсіяў, але з даволі прадказальнымі вынікамі.
