Віцебскі паэт стартаваў у друку ў далёкім 1972 годзе ў газеце "Літаратура і мастацтва". А першую цалкам уласную кнігу "Міранізмы" выпусціў у 2002 годзе. Таксама быў суаўтарам зборнікаў "Агледзены", "Дзень паэзіі 2005", "П'яныя каровы", "Тутэйшы шляхціц", "Ад ніў прыдзвінскіх", аўтар трох выпускаў альманаха "Дзвіна". Перакладаў з украінскай, польскай, рускай моваў. Па яго перакладах і зараз ідуць п'есы ў Віцебскім тэатры імя Якуба Коласа.
Друкаваўся практычна ва ўсіх рэспубліканскіх і усесаюзных гумарыстычных выданнях. найбольш вядомы невялічкімі творамі умоўна называемымі карацелькі-фрашкі. Напрыклад:
Падзел сярод паэтаў
Ну, хто паэтаў
Зразумее?
У кожнага
Ёсць свая ніша:
Палова з іх
Пісаць не ўмее,
Другая ж частка іх –
Не піша.
Муж паэтавай жонкi
Каханая!
Як разумею я гэта!
Але не парушыць
Ужо завядзёнкі:
Няўдзячная справа –
Быць жонкай паэта.
А мне як:
Быць мужам паэтавай жонкі?!.
На сустрэчы якая адбудзецца 30 мая а 17-00 па адрасе вуліца Камсамольская д. 16, кв. 4 будзе прэзентаваны апошні зборнік паэта "Жартачкі".
