Сезон зніжак у адной з абутковых крам Оршы прыцягнуў нямала наведвальнікаў. Праўда, адзін з іх вырашыў, што нават распродажныя кошты яму не па кішэні. Зрабіць жа прыемнае сваёй сяброўцы, з якой яны разам прыйшлі за пакупкамі, мужчыну вельмі хацелася. Тады фігурант папросту вырашыў вынесці прыдатную пару з гандлёвага павільёна. Як ні ў чым не бывала, ён паклаў абутак у сумку і пайшоў да выхаду. На бяду падазраванага на парозе спрацавала рамка, якая апавясціла аб тым, што ў краме здзейснены крадзеж. Мужчына паспяшаўся сысці з месца злачынства, але ўслед за ім выбегла прадавец.
Дзяўчыне ўдалося дагнаць і вярнуць назад несумленнага пакупніка. Ужо ў краме работнікі гандлёвага аб’екта прымусілі яго паказаць скрадзены абутак. Усвядоміўшы, што адказваць за зробленае давядзецца, мужчына стаў вырывацца ад прадаўцоў і выпадковага сведкі. Пасля некалькіх няўдалых спробаў расчысціць сабе шлях на волю, ён усё ж такі здолеў збегчы, але ўжо без абновак для сваёй сяброўкі.
Супрацоўнікамі крымінальнага вышуку неўзабаве была ўстаноўлена асоба падазраванага. Ім аказаўся непрацуючы
