Дубровенскі актывіст, сябра Аб'яднанай грамадзянскай партыі тры гады спрабуе вярнуць канфіскаваныя пры вобшуку рэчы. Вобшук прайшоў яшчэ ў 2017 годзе, з тае пары Міхаілу вярнулі кампутар ды іншую тэхніку, але ён сцвярджае, што тады ж у яго былі канфіскаваныя чатыры дыскі, якія так і не вярнуліся. Апошні ліст на гэтую тэму атрыманы ў канцы мінулага году. У ім начальнік аддзелу сцвярджае Следчага камітэту сцвярджае, што аніякіх дыскаў тады і не канфіскоўвалася.
Зараз будзе цяжка разабрацца хто тут мае рацыю, бо тое, што адбывалася дома ў Міхаіла 4 траўня 2017 працэсуальна называлася не вобшук (пры якім на месцы складаюцца ўсе дакуманты), а агляд памяшкання - такая форма дае больш волі сілавікам і дакумант з пералікам забраных рэчаў яны складалі трохі пазней.
А на дысках захоўваўся адзіны запіс з вяселля Міхаіла і яго жонкі.
