Апошнім часам Міхаіла Чамурака затрымлівалі амаль кожную пятніцу, двойчы суд выдаваў пастанову, што ён ні ў чым не быў вінаваты і вызваляў, але дубровенскія міліцыянты зноў затрымлівалі на выходныя - на 72 гадзіны. У гэтую пятніцу Міхаіла надзіва не затрымалі. Але без візіта міліцыі не абыйшлося. Дадому прыйшлі міліцыянты і абвінавацілі Міхаіла ў тым, што ён у Дуброўна на мосце павесіў стужачкі "палітычна не правільнага колеру". Але не затрымлівалі, а толькі азнаёмілі з абвінавачаннем.

А ў панядзелак Міхаіл быў затрыманы за тыя самыя стужачкі па "народным" артыкуле 23.34 - удзел у несанкцыянаваным мерапрыемстве. Амаль паралельна Міхаіла выклікалі ў пракуратуру. І тут пачынаецца самае цікавае...

Па словах жонкі Міхаіла, Людзьмілы: яна пайшла ў Дубровенскую пракуратуру замест Міхаіла, але з даверанасцю, якую даўно яны аформілі з Міхаілам, каб жонка магла прадстаўляць яго ў юрыдычных пытаннях. А ў пракуратуры Людзьмілу затрымалі за дробнае хуліганства. Яна прайшла на другі паверх будынка да кабінету пракурора дзе адзін з супрацоўнікаў абвінаваціў, што яна не мела права туды падымацца і выклікаў міліцыю. Толькі а 6 вечара Людзьміла змагла прыехаць дамоў.

Выклік жо Міхаіла ў пракуратуру можа азначаць, што на Міхаіла заведзена нейкая крымінальная справа пра якую мы пакуль не ведаем.