Пасля паездкі па Аршаншчыне Лукашэнка накіраваўся ў Шклоўскі раён. Там у яго адбываецца нарада па тэрытарыяльнай абароне. Найбольш заўважная падзея адбылася яшчэ да пачатку нарады - Лукашэнка прызначыў кіраўніком Шклоўскага раёна Андрэя Камко, які быў намеснікам старшыні Горацкага выканкама.
Цікава, што ў горацкім выканкаме цяпер дзве вакантныя вышэйшыя пасады. Старшыня выканкаму Аляксандар Бутараў сыйшоў з пасады на падвышэнне ў красавіку гэтага года - ён стаў памошнікам Лукашэнка па Мінскай вобласці. І на сайце Горацкага выканкаму да гэтае пары імя старшыні адсутнічае. Цяпер на падвышэнне з пераводам у іншы раён сыйшоў і адзін з пяці намеснікаў старшыні райвыканкаму.
