Дубровенскі актывіст Аб'яднанай грамадзянскай партыі Міхаіл Чамурака, напэўна самы пацярпелы з усіх актывістаў рэгіёна. Пасля выбараў яго затрымлівалі ледзь не кожны тыдзень. Часцей за ўсё затрыманні сканчаліся трыма суткамі арышту і вызваленнем. Часцей за ўсё гэта былі адміністратыўныя справы, не рэдка і суд абвяшчаў, што складу правапарушэнняў у дзеяннях Міхаіла няма і яго выпкскалі. Але паралельна на яго "капалі крыміналку" за якую таксама двойчы затрымлівалі на трое сутак.
29-га чысла судовы працэс па справе Чамурака распачаўся ў Дубровенскім судзе. Распачаўся і тут жа спыніўся. Справа ў тым, што нарэшце да справы была далучана адвакатка. Яна хадайнічала пра час на азнаямленне са справай. Справа, якую спрабавалі стварыць як мінімум з вясны, сабрала ўжо амаль 800 старонак. Суд пагадзіўся з прапановай, але даў не 5 дзён на азнаямленне са справай, а перанес паседжанне на пятніцу 2 ліпеня, пачатак а 10-00.
Не пагадзіліся з такім пераносам толькі пацярпелыя: дырэктарка школы, якая была старшынёй камісіі і мясцовыі міліцыянт. Яны заявілі, што не будуць прысутнічаць на наступным паседжанні.
