Учора 10 жніўня ў першай палове дня ў дом сям'і Чамуракаў чарговы раз наведаліся міліцыянты з вобшукам. Чарговы раз яны нічога не знайшлі, але ўзялі з Людзьмілы Чамурака падпіску пра неразгалошванне. На дадзены момант мы не ведаем па якой справе адбыўся вобшук у доме вядомых мясцовых актывістаў, ведаем толькі, што гэта нейкая новая крымінальная справа.
Людзьміла і Міхаіл Чамурака даўно вядомыя як вельмі актыўныя людзі. Міхаіл быў асуджаны да "хіміі", сядзеў у Ваўкавыску, але калі яму пачалі пагражаць новай крымінальнай справай, то ён змог збегчы са зняволення і пакінуў краіну.
