Прэс-служба пракуратуры паведамляе пра суд, які нядаўна адбыўся ў суседнім Лёзненскім раёне. Паводле версіі пракурораў, у лістападзе 2021 года ў адной з гаспадарак нейкім чынам знікла 22 цялёнка. Праўда, чаму яны зніклі, куды зніклі прэс-служба не гаворыць. Каб схаваць гэтую страту жынчына-брыгадзір пачала ўносіць "ліпавыя" дадзеныя ў розныя акты. Цяляты пачалі большым чым ў рэальнасці "выбываць", прадавацца і г.д. Такім чынам яна хацела выраўняць рэальную колькасць з папяровай.
Асудзіла жанчыну на 1 год і 1 месяц з адтэрміноўкай пакарання на адзін год, па-простаму, умоўны тэрмін. Вінаватай аказалася жанчына, хаця сумніўна, што цэлых 22 цялёнка зніклі без ведама больш высокіх начальнікаў. Ды і куды ж яны зніклі, нажаль, з апублікаванага пракуратурай не зразумела.
Нагадаем, што не так даўно ў суседнім Дубровенскім раёне была раскрытая схема незаконнага продажу кароваў па ўсім раёне. Ды і ўвогуле махінацыі з пагалоўем у дзяржаўных сельскагаспадарчых прадпрыемствах выглядае звычайнай справай, прынамсі па зводках адпаведных органаў.
