У суседнім Лёзненскім раёне 9 студзеня адбылося адразу тры вельмі падобных суда. Суды былі падобныя і абвінавачаннем, і тым што суддзя быў адным і тым жа. Яшчэ адно падабенства ўсіх трох працэсаў - самі правапарушэнні былі зробленыя яшчэ вясной мінулага года і толькі зараз - за пару месяцаў да канца тэрміна даўнасці - дайшлі да пакарання. Праўда, прысуды за адно і тое ж былі розныя.
23 красавіка мінулага года нехта пазваніў у міліцыю і паведаміў тое чаго насамрэч не было. Але міліцыі давялося рэагаваць на паведамленне, адпраўляць туды сваіх супрацоўнікаў. Міліцыянты палічылі, што такім чынам мясцоваму РАУС былі нанесеныя матэрыяльныя страты амаль на 93 рублі. 9 студзеня гэтага года званіўшага пакаралі на гэтыя самыя 93 рублі і на пошліну ў 74 рублі.
У другім выпадку званок адбыўся 29 траўня і таксама міліцыя палічыла дарэмна патрачанымі свае сродкі на гэты раз на суму 161 з невялікім рублёў. Прысуд - 161,47 і пошліна ў тыя самыя 74 рублі.
Трэці званок, за які 9 студзеня пакаралі, ў Лёзненскую міліцыю адбыўся 7 красавіка. Гэты званок міліцыянты ацанілі ў 97,12 рублёў. Прысуд падобны - кампенсацыя сумы і пошліна ў 74 рублі.
