Перш за ўсё, выданне "Аршанскі раён. Калыска беларускага ільна" арыентавана на расейскіх турыстаў, таму і напісана на расейскай мове. Гэта першы найбольш паўнавартасны пуцевадзіцель па Оршы і Аршаншчыне выдадзены за апошнія гады. Акрамя агульнай інфармацыі пра гісторыю і геаграфію гораду, у брашуры змешчаны адрасы і кантакты арганізацый якія ў першую чаргу могуць зацікавіць турыста і быць карыснымі: кавярні, гатэлі, сувенірныя крамы, аграсядзібы, музеі, экскурсійныя маршруты і асобныя цікавыя аб'екты раёна. Сярод апісваемых архітэктурных помнікаў найбольш увагі надаецца праваслаўных храмам.
Брашура ўжо паступіла ў продаж па Аршаншчыне. Дарэчы, набыць яе можна толькі ў музеях гораду.
