У камплект уваходзіць фотаздымак яшчэ адных нямецкіх вайсковых могілак і запісы з асабістых уліковых картак, якія распавядаюць гісторыю аднаго нямецкага жаўнера. Жаўнера таго звалі Герг Вюха. Падобна, што такім камплектам нехта паведамляў родзічам пра факт смерці і месца пахавання. Бо на фотаздымку могілак на першым плане надмагільны крыж менавіта з імём таго чалавека пра якога распавядаецца і ў картках.
З некаторым дапушчэннем можна меркаваць, што сфатаграфаваныя могілкі знаходзіліся ў Мікрараёне Флёрава-Магілёўская. Яны былі знішчаны дастаткова хутка пасля вайны. Пра Георга Вюха нам пакуль мала, што вядома акрамя таго, што загінуў ён у Оршы 16 жніўня 1941 года ў 21 год, не дажыўшы да 22 год усяго тры дні.
