Транспартныя ўлады вывучаюць патрэбу ва ўвядзенні пастаяннага аўтобуснага маршруту паміж Дуброўнай і Віцебскам. На гэты момант жыхары Дубровеншчыны мусяць дабірацца спачатку да раённага цэнтру са сваіх вёсак, затым да Воршы, і ўжо толькі потым ехаць да Віцебску. Ці можна абысціся без трох перасадак і наўпрост трапіць да абласнога цэнтру? А галоўнае, ці ёсць вострая патрэба ў гэтым? Гэта якраз і паспрабуюць высветліць.
Праца аўтобуснага маршруту Дуброўна-Віцебск дазволіць высветліць інтэнсіўнасць пасажырапатоку паміж двума гарадамі. Рэйс будзе называцца № 588. Будзе хадзіць з 14 студзеня па аўторках.
З Дуброўны аўтобус будзе адпраўляцца, а 6:05, а з Віцебску, а 15-й гадзіне.
