Айцец Аляксандр Варонка, настаяцель уніяцкай (грэка-каталіцкай) царквы ў Віцебску, які таксама служыць і ў Воршы, стаў папулярным у сацыяльных сетках. Ён завёў сваю старонку ў ТыкТоку — папулярнай сетцы, дзе здымаюць кароткія забаўляльныя або пазнавальныя відэа.
У аднаго з відэа, на якім айцец Аляксандр танцуе, амаль 1,5 мільёны праглядаў і звыш 120 тысяч падабаек. У інстаграме відэа грэка-каталіцкага святара набрала 1,5 мільёны праглядаў.
Цяпер у каментарах многія спрачаюцца, ці дазволіць такая актыўнасць святара ў сеціве запрасіць у царкву новых прыхаджанаў.
