Мы ўжо паведамлялі пра аварыю, якая адбылася ў першай палове дня на трасе Е-95 каля вёскі Антонаўка. Аказалася, што ў гэтай аварыі адзін з кіроўцаў загінуў. Як паведамляе ДАІ, 73-гадовы мужчына за стырном аўтамабіля Сеат выехаў на сустрэчную паласу, падобна, што з-за слізкай дарогі. Сеат у лабавую сутыкнуўся з Ладай, якой кіраваў 44-гадовы мужчына. На месца здарэння давялося выклікаць ратавальнікаў, якія выразалі кіроўцаў з памятых машынаў.
У выніку аварыі 73-гадовы мужчына загінуў на месцы. а 44-гадовы быў з траўмамі накіраваны ў бальніцу.
Варта нагадаць, што на сёння сіноптыкі прагназавалі аранждавы ўзровень небяспекі з-за галаледзіцы на дарогах.
