Старонка in_focus_by ў інстаграме ўспомніла Аршанскі піўзавод, заснаваны ў 1883 годзе, і выклала некалькі рэтраздымкаў, у прыватнасці, паказала відэа разбурэння заводу і прыгадала этыкеткі ад пеннага напою, розныя гатункі якога выпускалі ў Воршы.
Пра наш піўзавод неаднаразова раней пісала Orsha.eu, у тым ліку праводзіла фотаэкскурсію па тады яшчэ цэлым адміністрацыйным будынку прадпрыемства. Далей гістарычны будынак улады знеслі, не паглядзеўшы на тое, што сваімі ўказамі і рукамі знішчаюць гістарычную спадчыну Воршы.
Сёлета прадпрыемству споўнілася бы 142 гады. Але спачатку яго «давялі да ручкі», яно збанкрутавала, а ў наступныя гады паступова прыходзіла ў непрыдатнасць. Чынавенства так і не прыдумала, а мабыць, і не спрабавала прыдумаць, як выкарыстоўваць будынкі цэхаў. Як часта адбываецца ў сённяшняй Беларусі, гістарычныя будынкі палічылі за лепшае проста знесці, пакінуўшы горад без яшчэ аднаго аб’екту, які можна было б паказваць гасцям Воршы.
