Акцыю "Беларусь без трафарэтаў" у раёне праводзяць з 28 лютага па 7 сакавіка. Яе асноўныя мэты - выяўленне рэкламы інтэрнэт-рэсурсаў, якія ажыццяўляюць незаконную рэалізацыю наркатычных сродкаў, псіхатропных рэчываў, іх прэкурсораў і аналагаў, і якія прапануюць працаўладкаванне ў названай сферы.
Прычым гаворка ідзе не толькі аб "трафарэтных" надпісах. Звяртацца па тэлефоне 102 просяць і ў тым выпадку, калі жыхары раёна заўважылі ўлёткі, налепкі і нанесеныя фарбай надпісы падобнага зместу. Па ўказаных адрасах выйдуць работнікі ЖКГ і валанцёры, каб выдаліць ці зафарбаваць "наркаграфіці"…
Для Сенненскага раёна тэма незаконнага распаўсюджвання наркотыкаў і наркатычных рэчываў досыць актуальная. Пра гэта можна меркаваць, зыходзячы з некалькіх агучаных фактаў, хоць падобная статыстыка ў поўным аб'ёме досыць рэдка становіцца здабыткам грамадскасці.
Так, напрыклад, толькі са студзеня па май 2024 года Сенненскім РАСК былі ўзбуджаны 3 крымінальныя справы па ч.1 арт. 328 КК Рэспублікі Беларусь за незаконны абарот наркатычных сродкаў або псіхатропных рэчываў ( з 13-ці падобных спраў ва ўсёй Беларусі за ўказаны перыяд).
