Прадстаўнікі ведамства выявілі, што кругласутачны рэжым працы ўстановы не быў належным чынам узгоднены з райвыканкамам. На думку пракуратуры, паслугі інтэрнэт-кафэ павінны адпавядаць патрабаванням абароны маральнасці, здароўя насельніцтва, правоў і свабод іншых асоб.Таму рэжым працы такіх устаноў у адпаведнасці з п. 3 і п. 4 Палажэння аб парадку работы камп'ютарных клубаў і інтэрнэт-кафэ, зацверджанага пастановай Савета Міністраў Рэспублікі Беларусь ад 10 лютага 2007 года №175, павінен устанаўлівацца па ўзгадненні з мясцовымі выканаўчымі і распарадчымі органамі ўлады.

У ходзе наглядных мерапрыемстваў былі выяўленыя і больш сур'ёзныя парушэнні - у сферы захавання пажарнай бяспекі, а таксама санітарных нормаў і правілаў. У прыватнасці,канструкцыя памяшкання не адпавядала эксплуатацыйнай дакументацыі, і замест прадугледжаных дымавых аўтаномных пажарных апавяшчальнікаў былі ўсталяваныя цеплавыя.

З кіраўніцтвам установы была праведзена гутарка аб неабходнасці прытрымлівацца патрабаванняў заканадаўства пры арганізацыі працы . Прычым адной толькі гутаркай не абышлося: пракуратура Горацкага раёна вынесла прадпісанне ў адрас кіраўніка Інтэрнэт-кафэ , у якім запатрабавала ліквідаваць выяўленыя парушэнні. Акт нагляду выкананы ў поўным аб'ёме.