3-га сакавіка на сайце дзяржзакупак з’явіўся пералік таго, што плануе набыць за дзяржаўныя грошы выканкам Сенненскага раёна. Сярод доўгага спісу паслуг на розныя віды дзейнасці, якую самі чыноўнікі не ажыццяўляюць, сустракаюцца дастаткова нечаканыя пажаданні.
Да прыкладу, закуп вокладак на службовыя пасведчанні - “вырабы скургалантэрэйныя дробныя” - у колькасці 50 штук, за якія выканкам гатовы заплаціць 500 рублёў.
175 рублёў - прапанаваны кошт за сервіз для гарбаты і “посуд сталовы і кухонны са шклокерамікі”.
На “рамкі для дыпломаў, грамат” у колькасці 230 штук райвыканкам гатовы патраціць 2 030 рублёў.
Для тых, каго цікавіць, колькі грошай трацяць улады на жалобныя вянкі і кошыкі, якія ўскладаюць да помнікаў з нагоды розных святаў, паведамляем: Сенненскі райвыканкам замаўляе 25 вянкоў на агульную суму 1250 рублёў і 25 жалобных стужак на 130 рублёў.
Яшчэ ў пераліку: фотапапера - 5 упаковак за 150 рублёў і фатэль офісны - за 700 рублёў.
Усе гэтыя замовы плануецца выканаць на працягу сакавіка
