Раённая пракуратура супольна з прадстаўніком аддзела эканомікі райвыканкама і спецыялістам цэнтрам эпідэміялогіі правяла праверку ў гандлёвых аб'ектах . Вывучаліся пытанні выканання заканадаўства аб гандлі, своечасовага задавальнення спажывецкага попыту і забеспячэння насельніцтва шырокім асартыментам айчыннай прадукцыі, узровень цэн, а таксама захаванне санітарна-эпідэміялагічных патрабаванняў.
Менавіта па апошнім пункце было выяўлена асабліва шмат праблем: праверка зафіксавала парушэнне як тэрмінаў рэалізацыі прадуктаў так і правілаў іх захавання ў харчовых крамах. Таму Сенненская пракуратура накіравала галоўнаму ўрачу раённага цэнтра гігіены і эпідэміялогіі даручэнне падрыхтаваць каля 10 справаў па арт.17.5 КоАП (парушэнне санітарна-эпідэміялагічных патрабаванняў, патрабаванняў абмежавальных захадаў, наданне несапраўдных дадзеных для працэдуры дзяржаўнай рэгістрацыі прадукцыі).
Тут варта зазначыць, што насельніцтву Сенненшчыны і так не вельмі шанцуе з крамамі. Некалькі гандлёвых аб’ектаў летась былі і ўвогуле зачынены з прычыны іх стратнасці - перадусім гэта вясковыя крамы, бо пакупнікоў-вяскоўцаў меншае з кожным годам.
Нагадаем, 14 сакавіка Камітэт дзяржкантролю Віцебскай вобласці праводзіць “гарачую лінію” па пытаннях гандлёвага абслугоўвання ў сельскай мясцовасці. Са скаргамі і прапановамі можна звяртацца па тэл. 8 (0212) 375453 з 10 да 13 і з 14 да 16 гадзін. Свае заўвагі таксама можна накіраваць на электронную пошту [email protected] з пазнакай «Торговля в сельской местности».
