Меркаванне пра тое што Аршанская ўпадзіна можа быць перспектыўнай для пошуку нафты было агучана Лукашэнкам на нарадзе пры стан і перспектывы развіцця сыравіннай базы краіны. Праўда, тое што нафту будуць шукаць ва ўпадзіне, названай у гонар нашага горада, зусім не азначае, што пошукі будуць весціся менавіта побач з горадам. Сама ўпадзіна расцягнулася на 250 кіламетраў у даўжыню і да 210 кіламетраў у шырыню, межы яе даволі ўмоўныя. Прычым менавіта пад Оршай ўпадзіна знаходзіцца найбольш глыбока - зверху яе дна амаль 1,5 кіламетра іншых пародаў - гліны, пяску і г.д.
Утварылася ўпадзіна ў позднім пратэразоі, больш чым паўмільярды год таму. Асноўныя карысныя выкапні якія да гэтуль здабывалі ва ўпадзіне - мінеральная вада, крэйда, даламіты, мергель, фасфарыты.
Акрамя пытання пошуку нафты на нарадзе быў агучаны намер павялічыць выкарыстанне торфу замест вугля пры вытворчасці цэменту. У выніку нарады была прынята адмысловая праграма, разлічаная да 2020 года.
