Глыбокія атлантычныя цыклоны нясуць на Беларусь цёплае марское паветра. Яго паступленне суправаджаецца моцнымі вятрамі, ападкамі ў выглядзе дажджу і мокрага снегу. А тэмпература паветра перавышае норму на 6-9 градусаў.
У суботу 13 лютага надвор'е ненадоўга палепшыцца. Будзе воблачна, але без ападкаў. Тэмпература паветра ўначы ад 0 да мінус 2, днём +1 ...+ 3 градусы. Вецер паўднёвы, паўднёва-усходні парывісты.
А вось у нядзелю 14 лютага, у дзень Святога Валянціна чарговы глыбокі цыклон сваім цэнтрам пройдзе паблізу Оршы. Чакаецца прамозглае надвор'е. Ужо раніцай пачнуцца ападкі, мокры снег, дождж. Вецер парывісты, пераменных напрамкаў, да 14 метраў у секунду. Тэмпература паветра раніцай каля 0 градусаў, днём +2 ..+ 4 градусы.
У панядзелак 15 лютага цыклон адыдзе на паўночны ўсход, вятры трохі сціхнуць, а ападкі хоць і аслабеюць, але захаваюцца. Тэмпература паветра на працягу сутак ад 0 да +5 градусаў.
