У госці да нашай каманды прыедзе "Ліда", якая ў першым туры адолела "Ашмяны" 1:0. Аршанцы ў стартавым туры на выездзе згулялі ўнічыю 1:1 з "Гомелем".
З лідзянамі аршанцы сустракаліся і ў мінулым сезоне. У першым коле "сіня-белыя" саступілі супернікам з лікам 1:2. Падумалася пра нейкае насланнё, бо на той момант гэта была 7-я сустрэча клубаў у 1-й лізе і ўсе матчы прыносілі няўдачы аршанцам. Але, нарэшце, у другім коле "ільняным" удалося ўпершыню адабраць пункты ў "Ліды". У тым памятным матчы аршанцы саступалі 0:2, але вырвалі нічыю 2:2! Розніца мячоў у супрацьстаяннях "Оршы" і "Ліды": 7-17.
Матч "Орша" - "Ліда" пройдзе на "Гарадскім" стадыёне 23-га красавіка і пачнецца а 16:00.
