Нацыянальны банк не стаў ігнараваць паўтысячагадовы юбілей "Бітвы пад Оршай". У гэтым годзе да юбілею бітвы галоўная фінансавая ўстанова краіны плануе выпусціць памятную манету "Канстанцін Астрожскі" з серыі пад назвай "Умацаванне і абарона дзяржавы". Гэта не першы выпадак выпуску прадукцыі да юбілею Аршанскай бітвы. Яшчэ ў мінулым годзе шэраг камерцыйных фірмаў пачалі выпуск сувенірнай прадукцыі да даты.
На сёняшні дзень выпуск памятных манетаў - гэта адзін зрух дзяржаўных чыноўнікаў у бок святкавання юбілею. Большасць дзяржаўных установаў упарта працягваюць ігнараваць памятную дату.
