Ідэя належыць айчыннаму блогеру Віталю Станішэўскаму. Для правядзення Базарнага дня ён, напрыклад, прапануе сетку крамаў Mart Inn, якая дабралася ўжо да многіх гарадоў і паслядоўна прытрымліваецца ў сваёй працы беларускай мовы, аб чым сведчыць і матэрыял нашага сайту ў верасні мінулага года. Прапанова гучыць так:
Раз на два тыдні у пэўны дзень тыдня (Напрыклад, кожную другую і чацвёртую нядзелю?) ладзіць "Базарны дзень" (назва чарнавая). Папаўняем запасы або проста завітваем па шакаладку. Дамаўляемся з сябрамі, прыходзім кампаніямі. Размаўляем з касірамі па-беларуску, прывучаем да беларускай лексікі. Калі што - паказваем пальцам, так працэс навучання і адбываецца :) Актыўнейшыя беларускамоўныя, бярыце ў кампанію сарамлівых, падцягвайце іх, каб прызвычайваліся гаварыць па-беларуску публічна.
