Беларускае дзяржаўнае прадпрыемства "Белспецзнештэхніка" (гэта структурная адзінка Дзяржаўнага ваенна-прамысловага камітэта Беларусі) выдала каляндар "Вялікія бітвы нашай гісторыі" на 2018 год. Мовы каляндара беларуская і ангельская. Як заўважыў карыстальнік “Фэйсбука” Віктар Яўмененка, сярод 12 вялікіх бітваў беларускай гісторыі аўтары не знайшлі месца для Аршанскай бітвы. Але ёсць іншая бітва, звязаная з нашым горадам — яна найстарэйшая ў календары. Гэта 1067 год і бітва на рацэ Нямізе. Менавіта з гэтай бітвай звязана першая згадка Оршы ў летапісах.
Адна з выяў Бітвы на Нямізе.
Пры навуковым кансультаваньні Інстытута гісторыі НАН Беларусь у каляндар патрапілі наступныя бітвы:
- Бітва на Нямізе, 1067 год
- Бітвы Давыда Гарадзенскага, 1319 год
- Бітва на Сініх водах, 1362 год
- Грунвальдская бітва, 1410 год
- Клецкая бітва, 1506 год
- Бітва пад Кірхгольмам, 1605 год
- Хацінская бітва,1621 год
- Бітва пад Лясной, 1708 год
- Бітва на Беразіне, 1812 год
- Нарачанская аперацыя, 1916 год
- Абарона Брэскай крэпасці, 1941 год
- Аперацыя "Баграціён", 1944 год
