Хаця агітацыйная кампанія ідзе, кандыдатаў выбаршчыкі амаль не бачаць. Нават ахвотны схадзіць на сустрэчы кандыдатаў, каб выбраць падыходзячага наўрад ці зможа гэта зрабіць - сустрэчы калі і праводзяцца, то праводзяцца на прадпрыемствах. Адкрытыя сустрэчы з запрашэннямі ўсіх ахвотных пакуль у Оршы былі не заўважаныя. А адзіная сустрэча якую планаваў правесці дэмакратычны кандыдат Аляксандар Булаўка была сарваная.

Сітуацыя выглядала наступным чынам. У пятніцу 26-га студзеня Аляксандар напісаў заяву ў раённую выбарчую камісію пра тое, што хоча правесці сустрэчу з выбаршчыкамі ў музычнай школе №1 ў нядзелю 28-га студзеня. Дзяжурыўшая сябра камісія прыняла заяву і на гэтым усё скончылася - на практыцы раней гэтага хапала. Але ў нядзелю калі людзі сабраліся каля школы мастацтваў да іх выйшаў дырэктар і сказаў, што яго не папярэджвалі пра сустрэчу і школа сёння не працуе - таму ніякая сустрэчы не адбудзецца. Удакладніць сітуацыю з выбарчай камісіяй таксама было немагчыма - у камісіі ў нядзелю ніхто не дзяжурыць.

Толькі 30-га чысла Аляксандру Булаўка прыйшоў ліст з адказам, у лісце стаіць дата - 26-га студзеня (той дзень калі Аляксандар і напісаў заяву). Штамп на капэрце гаворыць пра тое, што на пошту гэты ліст патрапіў на наступны дзень - 27-га студзеня ў суботу. А Аляксандру ліст быў дастаўлены (пра што сведчыць яшчэ адзін штамп на капэрце) у аўторак 30-га студзеня. У самім лісце было адмоўлена ў правядзенні сустрэчы (раней такіх выпадкаў у Оршы не было) у сувязі з тым, што ў нядзелю школа мастацтваў не працуе.

Сустрэча Аляксандра Булаўкі павінна была быць сумешчана з прэзентацыяй шэрагу кніг беларускіх навукоўцаў, якая з-за гэтага прайшла на адным з грамадскіх офісаў. Дарэчы і пад такія сустрэчы ў горадзе таксама атрымаць памяшканне не магчыма.