У Беларусі з 1 красавіка выраслі тарыфы на перавозкі пасажыраў чыгуначным транспартам агульнага карыстання - на рэгіянальных лініях бізнес-класа і міжрэгіянальных лініях. Кошт праезду павялічыўся на 24% і 32% адпаведна. Змены, натуральна, закранулі і цягнікі, якія курсуюць паўз Оршу.
З Віцебска ў Оршу ў агульным вагоне (цягнік № 713Б) кошт праезду вырас да 4,33 рубля (было - 3,28 рубля), плацкартным - да 6,76 рубля (было - 5,12 рубля), купэ - да 9,34 рублі (было - 7,07 рубля).
Квіток на сядзячае месца ў цягніку рэгіянальных ліній бізнес-класу з Менска ў Оршу (№ 732Б) каштаваў 5,86 рубля, зараз - 7,74 рубля. Пра іншыя змены ў коштах за праезд можна прачытаць на сайце Беларускай чыгункі.
