1 верасня ў Лідзе адбудзецца матч на Суперкубак Беларусі па міні-футболе. На пляцоўцы спартова-аздараўленчага комплекса "Алімпія" сустрэнуцца "Лідсельмаш" і "Вітэн". У мінулым сезоне "Лідсельмаш" стаў чэмпіёнам Беларусі, а "Вітэн" заваяваў Кубак краіны. Пры гэтым суперкубкавая гісторыя ў каманд розная. "Лідсельмаш" у 2015 і 2016 гадах двойчы браў трафей, а вось міні-футбольны клуб з Оршы Суперкубка ў клубным музеі яшчэ не мае.
Матч на Суперкубак адбудзецца 1 верасня ў САК "Алімпія" (г.Ліда) і пачнецца а 14-й гадзіне. На афіцыйным сайце "Вітэна" заўзятарам прапануюць запісацца ў аўтобус і падтрымаць каманду ў важным матчы, які адкрые новы беларускі сезон.
