Байкеры са сваімі "сталёвымі канямі" пачалі збірацца каля Езуіцкага калегіюма каля 12 гадзін суботняга дня. Збіраліся доўга, але прахожым было гэта ў радасць - не кожны дзень пабачыш столькі людзей у арыгінальных касцюмах ды тэхнікі. Некаторыя байкры прыехалі з жонкамі, дзецьмі.
Пасля паловы на першую да байкраў падыйшлі супрацоўнікі ДАІ, якія правялі прафілактычную размову, паабяццалі бяспечных дарогаў у сезоне і адказалі на пытанні.
У суправаджэнні ДАІ матацыклісты паехалі ў бок мікрараёна, праехалі па Задняпроўі, а далей праз цэнтар накіравалі ў Андрэеўшчыну дзе традыцыйна наведалі мясцовы дзіцячы дом.
