Сайт realt.by склаў цікавую інфаграфігу як мяняліся кошты на жытло ў 17 буйнейшых гарадах краіны. Кошты тычацца перыяду з 2008 года па гэты год. Цікава паглядзець дзе ў такім параўнанні знаходзіцца Орша.
У інфаграфіцы прадстаўленыя гарады і меньшыя за Оршу, напрыклад Полацк, Мазыр, Ліда. Пры гэтым, у большасці выпадкаў гэтыя гарады па коштах вышэй за Оршу. У 2008 годзе за квадратны метр у Оршы прасілі 771 даляр і паводле інфаграфіцы па кошце мы былі адным з самых танных гарадоў у краіне - танней за нас быў толькі Бабруйск з коштам 762 даляры за квадрат. Так працягвалася да 2010 года, калі кошты ў Оршы ўпалі яшчэ больш - да 492 даляраў. Бабруйск жа падняўся на 16 месца з 500 далярамі за квадрат. Але гэтае падзенне было толькі на працягу аднаго года. У 2011-2012 Орша зноў на 16 пазіцыі, а наступныя тры гады (2013-2015) і на 15.
З 2016 года кошт на квадратны метр у Оршы больш не падымаўся даражэй за 500 даляраў. Але ў іншых гарадах кошты былі яшчэ ніжэйшымі і таму да гэтага года мы прыйшлі на 14 месцы абагнаўшы Бабруйск, Мазыр і Пінск. У гэтым годзе кошт на кватэры ў Оршы па падліках экспертаў - 472 даляры за квадратны метр.
