Аршанскае маладзёжнае грамадскае аб'яднанне "Звяз" выдала брашуры з апісаннем культавых камянёў, якія ўваходзяць у адпаведны экскурсійны маршрут. Брашуры выдадзены на чатырох мовах - беларускай, рускай, польскай, англійскай і разлічаны, перш за ўсё, на турыстаў, якія наведваюць наш горад. Ярка аформленыя брашуркі ў хуткім часе будуць раздадзеныя для бясплатнага распаўсюду ў найбольш наведваемыя турыстамі месцы - гасцініцы, музеі, сувенірныя крамы.
Практыка падобнай рэкламы турыстычных магчымасцяў рэгіёну - звычайная справа для многіх краінаў. У Беларусі і, ў прыватнасці, на Аршаншчыне рэкламныя матэр'ялы, разлічаныя на гасцей рэгіёну, пакуль мала распрацаваныя. Дадзеныя брашуркі сталі аднымі з першых такіх рэкламак.
Брашуры выдадзеныя ў межах кампаніі "Зробім лепш - 2013".
