30-гадовы раней судзімы аршанец добра пагуляў у кампаніі свайго прыяцеля. У разгар весялосці, ён успомніў пра тое, што знаходзіцца пад наглядам і павінен у гэты час быць дома. Патрапіць туды з іншага канца горада было справай няпростай. Асабліва калі ўлічыць той факт, што ўсе грошы мужчына ўжо выдаткаваў на спіртное. Усе гэтыя акалічнасці не збянтэжылі аршанца, і ён з сабутэльнікам пайшоў лавіць таксі.

Каля адной з крам прыяцелі заўважылі машыну, упрыгожаную шашачкамі. Яны падышлі да кіроўцы і папрасілі давезці іх да патрэбнага адрасу. Шафёр, які ўжо ўзяў заказ і збіраўся ехаць, адмовіўся ўзяць з сабой мужчын. Не прыняўшы да ўвагі довады кіроўцы, падазраваны дастаў прадмет падобны на пісталет і паўтарыў свае патрабаванні. Спалоханы таксіст вымушаны быў узяць спадарожнікаў, і яны адправіліся калясіць па райцэнтры.

Па дарозе вадзіцель і яго пасажыры заехалі на запраўку, дзе нахабны аршанец стаў прасіць у таксіста грошы на выпіўку. Наматаўшы не адзін кіламетр па горадзе, падазраваны папрасіў падвесці яго з прыяцелем да дома сужыцеля сваёй маці. Тут, карыстаючыся прадстаўленым выпадкам, кіроўцу ўдалося з'ехаць ад свайго выкрадальніка.

Мужчына звярнуўся па дапамогу ў міліцыю. Неўзабаве зламыснік быў затрыманы супрацоўнікамі Дэпартамента аховы. Следчымі ў дачыненні да падазронага распачата крымінальная справа.

Паведамілі ва УУС Віцебскага Аблвыканкама.