Ашуканцы па-ранейшаму карыстаюцца даверлівасьцю грамадзян. У стужцы Інстаграм ёсць мноства рэкламных аб’яў аб акцыях або гандлёвых прапаноў. З надыходам першых халадоў ашуканцы перапрафілявалі свае інтэрнет-старонкі на магазіны па продажы аўтамабільных шын, паведамілі ў міліцыі.

Двое аршанцаў ужо ашуканыя. Жыхары Воршы ўступілі ў перапіску з прадстаўніком ілжэкрамы, выбралі патрэбны тавар, дамовіліся з прадаўцом аб унясенні перадаплаты ў памеры 50%. Адзін мужчына на рахунак ашуканцаў перавёў 180 рублёў, а другі — 350 рублёў.

Калі надышоў тэрмін дастаўкі, ніхто з пакупнікоў абяцаны тавар не атрымаў, а прадавец перастаў выходзіць на сувязь і заблакаваў сваіх пакупнікоў.

Ашуканцы выкарыстоўваюць старонкі з накручанымі падпісчыкамі і толькі станоўчымі водгукамі. Завабліваюць патэнцыйных ахвяр выгаднымі коштамі, якія відавочна не адпавядаюць афіцыйным.

Пры куплі тавараў у інтэрнэце важна пераканацца ў сапраўднасці прадаўца, удакладніць яго тэлефон і юрыдычны адрас, адрас крамы або вытворчасці, патэлефанаваць па ўказаным тэлефоне, праверыць звесткі на сайце Kartoteka.by. Ні ў якім разе нельга пераводзіць перадаплату неправераным прадаўцам. Будзьце пільныя і не давярайце сумнеўнай інфармацыі, просяць сілавікі.