У эканамічным судзе Віцебскай вобласці разглядалі справу, распачатую супраць жыхара Талачынскага раёна, якога злавілі за гандлем расейскімі бензінам і саляркай.
У верасні ў Воршы мужчыну на аўтамабілі спынілі супрацоўнікі ДАІ. Яны вырашылі, што машына падазроная і правялі агляд кузава. Там і знайшлі «левае» паліва. У кузаве былі знойдзены 300 літраў дызельнага паліва і 250 літраў бензіну ў 32 ёмістасцях.
Суд высветліў, што ў перыяд са снежня 2023 года па верасень 2024 года мужчына ажыццяўляў прадпрымальніцкую дзейнасць без дзяржаўнай рэгістрацыі. Ён купляў на тэрыторыі Расеі дызельнае паліва і бензін, а потым іх прадаваў у расцэнцы 2 рублі за 1 літр жыхарам Беларусі на тэрыторыі Талачынскага і Аршанскага раёнаў.
На судзе жыхар Талачынскага раёна прызнаў сваю віну цалкам.
Разгледзеўшы матэрыялы справы, суд прыйшоў да высновы аб наяўнасці ў дзеяннях грамадзяніна Б. складу правапарушэння, прадугледжанага часткай 2 артыкула 13.3 КаАП.
У выніку нелегельнага прадпрымальніка аштрафавалі на 200 рублёў і канфіскавалі ў яго арыштаванае пры затрыманні паліва.
