Затрыманне адбылося на вуліцы Міру каля дома № 1 у Талачыне. Экіпаж ДАІ спыніў аўтамабіль УАЗ пад кіраваннем мужчыны 1966 года нараджэння. У ходзе гутаркі ў кіроўцы заўважылі прыкметы алкагольнага ап’янення, аднак ад праходжання медыцынскага агляду мужчына адмовіўся.
Яму прызначылі адміністрацыйнае спагнанне ў выглядзе штрафу 200 базавых велічыняў з пазбаўленнем права кіравання тэрмінам на 5 гадоў, паведамілі ў ДАІ.
Дзяржаўтаінспекцыя нагадвае аб недапушчальнасці нецвярозага кіравання і заклікае аўтамабілістаў не парушаць Правілы дарожнага руху, бо наступствы «п’янай» паездкі могуць быць трагічнымі.
