Орша, Здарэнні

П’яны таксіст «адарваўся»

24.01.2020 10:05

3374 прагляду, 6 каментароў

У Оршы таксіст разбіў лабавое шкло і зняў нумары з чужога Renault. На яго заведзена ўжо не першая крымінальная справа.

Раніцай 8 студзеня 60-гадовы пенсіянер выйшаў з кватэры на вуліцу і быў у шоку ад тако што убачыў- ў яго Renault Sandero было разбіта лабавое шкло і знятыя рэгістрацыйныя нумары. Мужчына адразу ж выклікаў міліцыю.

На месцы здарэння аператыўнікі вывучылі запісы з камер назірання і па прыкметах высветлілі асобу падазраванага. Ім аказаўся 32-гадовы мясцовы жыхар, які напярэдадні прыходзіў да сваёй каханай пад пад’езд. Аказалася, на злачынства яго штурхнула рэўнасць і «невялікі» перабор з алкаголем.

Мужчына жанаты, праўда, як аказалася, разам з жонкай не жыве. Увечары ён падышоў да яе дома і па тэлефоне папрасіў выйсці пагаварыць на вуліцу. Дзяўчына адказала, што знаходзіцца на працы, і не стала працягваць размову. П’яны муж не паверыў, пакрыўдзіўся і спагнаў злосць на бліжэйшым аўтамабілі, распавялі ў групе УУС Вконтакте.

Дэбашыр заскочыў на капот, разбіў нагамі лабавое шкло, пасля чаго зняў рэгістрацыйныя знакі і спакойна сышоў. (Відаць на відэа)