Суседка зладзіла ў кватэры аршанца вечарыну, а адзін з гасцей пасля застолля панёс дзве тату-машынкі. Ноччу 9 лютага ў міліцыю Оршы звярнуўся мясцовы жыхар, які заявіў пра крадзеж з яго кватэры двух прылад для набівання татуіровак і расходных матэрыялаў да іх агульным коштам каля 500 даляраў. Аднак міліцыя не выявіла слядоў узлому, таму стала высвятляць. Версіяй стала тое, што злодзеем быў хтосьці знаёмы, адзін з гасцей дома.
Як аказалася, у пачатку студзеня мужчына пераехаў да сваёй знаёмай у іншы горад, а за кватэрай папрасіў прыглядаць маці. Праз некаторы час жанчына стамілася штодня выгульваць сабаку сына і папрасіла прыглядзець за ёй суседку, паведамляе прэс-служба МУС. Маладая дзяўчына скарысталася парадавалася свабоднай жылплошчы і зладзіла ў суседскай кватэры вечарыну, на якую запрасіла сваіх сяброў. Кампанія гуляла двое сутак, пасля чаго і прапалі інструменты. Праз некаторы час міліцыі ўдалося высветліць, што машынкі для татуявання забраў 25-гадовы хлопец, які хацеў адкрыць тату-салон. У дачыненні да маладога чалавека распачалі крымінальную справу.
