У Магілёве скончыўся чэмпіянат Беларусі па лёгкай атлетыцы ў памяшканнях. Распавядзем, як выступілі аршанскія атлеты. У паўфіналах на 60 метраў з бар’ерамі перамогі атрымалі Святлана Парахонька (раней Губенка) і Аліна Талай. Святлана паказала вынік 8,27 секунды, а Аліна пасля пройгрышу няпрофільнай «гладкай» дыстанцыі 60 метраў выйграла свой паўфінал з 8,04.
У фінале не было роўных Аліне Талай. Яна ў чарговы раз стала чэмпіёнкай Беларусі на гэтай дыстанцыі — 8,06. Пасля фінішу Аліна (трэнеры ў розныя гады: Гуцін, Мяснікоў, Уінфрыд, Валадзько) сказала афіцыйнаму сайту БФЛА наступнае:
Гэта фініш зімовага сезону: больш стартаў няма. Паказаны вынік далёкі ад майго найлепшага і нават тых секунд, якія я звычайна паказвала па сезоне. Але гэта можна растлумачыць: мне заўсёды цяжка бегчы раніцай, а з улікам розніцы часу з Еўропай, на старт я і зусім выйшла каля восьмай. Трохі сплю, хоць на чэмпіянаце Беларусі ў мяне заўсёды сур’ёзная матывацыя.
Руслана Рашкаван, таксама аршанка, стала срэбраным прызёрам (8,18), а Святлана Губенка з паказчыкам (8,19) заваявала бронзавы медаль. Такім чынам, усе вядучыя бар’ерныя спрынтаркі Беларусі — з Оршы! Прычым дзве з іх займаліся ў трэнера Аляксандра Гуціна. Руслана Рашкаван (трэнеры ў розныя гады: Ільюшэнка, Казлоў, Галаўнёў, Мяснікоў) пасля фінішу сказала:
Мой план быў не месца, а вынік. Хацелася палепшыць асабісты рэкорд, але ўвесь сезон не атрымлівалася. Ведала, што на чэмпіянаце краіны змагу гэта зрабіць. Нават пры тым, што ўвосень трапіла ў бальніцу, падхінала ступні ... Падрыхтоўчы перыяд не задаўся. Але ўсё роўна змагла паказаць добры вынік. Шкада, што не было Эльвіры Герман. Дзякуй Аліне Талай за кампанію: калі ёсць моцная суперніца, вынікі заўсёды добрыя.
А вось словы Святланы Губенкі (трэнеры ў розныя гады: Гуцін, Мяснікоў):
Тут вельмі хуткая дарожка, мне падабаецца бегаць у Магілёве. Тым больш, з такой канкурэнцыяй. Я змагла прыкметна дадаць, гэта мой асабісты рэкорд, і я бачу магчымасці для росту. Гэты сезон буду праводзіць ужо сярод дарослых, адбірацца на чэмпіянат Еўропы. Сур’ёзны выклік!
У мужчын Віталь Парахонька (трэнеры ў розныя гады: Гуцін, Мяснікоў) з вынікам 7,79 паказаў найлепшы вынік у паўфіналах на 60 метраў з бар’ерамі. У фінале Віталь «скінуў» са свайго выніку тры дзясятыя і стаў чэмпіёнам Беларусі!
Адчуваю я сябе добра, але вынікам зусім не задаволены. Можна было сёння бегчы хутчэй, як мінімум з 7.70. Але нічога, я буду трэніравацца і да лета буду гатовы на 110%. Зімовы сезон скончаны, а летам усё будзе па-іншаму. Перадаю прывітанне сваёй жонцы і ўсім тым, хто за мяне заўзеў.
