Орша, Грамадства

Крызіс на чыгунцы

20.03.2020 11:49

4475 праглядаў, 9 каментароў

Каранавірус вядзе да пераходу чыгуначнікаў на 4-ох дзённы рабочы тыдзень

Сайт «Наша Ніва» паведаміў, што беларуская чыгунка разглядае пытанне, каб перайсці на 4-ох дзённы рабочы тыдзень. Гэта звязана зў моцным падзеннем перавозак і, адпаведна, даходаў Беларускай чыгункі. За два першыя месяцы грузаперавозкі знізіліся на 21,2% — паведамляе NN.BY. І ў сувязі з перакрытымі межамі і змяньшэннем пакупніцкага попыту ва ўсёй Еўропе, паток грузаў мусіцб падаць і далей.

Сказаць, што раней у чыгункі было ўсё добра таксама скаладана. Людзей і раней на асобных падраздзяленнях прымушалі браць па 1-2 дні на месяц «на свой рахунак», цяпер колькасць такіх дзён мусіць павялічыцца. Таксама ў гэтым месяцы і, як мінімум, да канца года чыгуначнікам перасталі выдаваць бясплатныя праяздныя квіткі для паездак па ўласных патрэбах.

Для Оршы гэта азначае зніжэнне заробкаў, а значыць і пакупніцкай здольнасці ў значнай часткі насельніцтва. Сёння на чыгунцы працуе ці звязана сваімі даходамі парадку 30% аршанцаў.

Раней праз Оршу, як і па ўсёй краіне, былі адмененыя амаль усе пасажырскія цягнікі міжнародных напрамкаў, што таксама ўплывае на даход чыгуначнікаў.